Робототехника –балабақшадан басталады.

     Бүгінгі күні білім беру жүйесі жаңа педагогикалық технологияға негізделуін және ақпараттық құралдардың кеңінен қолданылуын қажет етеді. Өйткені, қазіргі балалар белсенді ақпараттандыру, компьютерлендіру және робототехника дәуірінде өмір сүруде. Сондықтан бүлдіршіндер балабақшадан бастап пайдалы технологияларды, робототехниканы үйренуі тиіс.

Балабақшадағы робототехника бірнеше міндеттерді шешеді: танымдық жағынан -  ақпараттану, ой-қиялды  және робототехникаға деген қызығушылықты дамыту; білімділік жағынан: механикадағы конструкторлық есептерді шешудегі алғашқы тәжірибені меңгеру дағдылары мен іскерліктерін қалыптастыру; тәрбиелік мәні: жауапкершілік,  жоғары мәдениеттілік, ұқыптылық, коммуникативтік қабілеттілікке тәрбиелейді.

Қазіргі жаһандану заманына сәйкес, №19 «Нұр бала» балабақшасы да робототехника қызметінің жүйесін, яғни коммуникативтік қабілеттерін дамытуға ықпал ететін, өзара әрекеттесу дағдыларын дамытатын, шешім қабылдаудағы дербестікке ие болатын, балалардың шығармашылық қабілетін ашатын 21 ғасыр технологиясын енгізуде.

Робототехника технологиясымен айналысу балалар үшін өте қызықты. Мектепке дейінгі жастағы балаларды инновациялық технологиялар арқылы  жүйелі түрде оқыту мектепке даярлауда үлкен рөл атқарады. Бұл оқуға қабілеттілігін қалыптастыруға, нәтижелерге қол жеткізуге, айналасындағы әлем туралы жаңа білім алуға, білім беру қызметінің алғашқы алғышарттарын қалыптастыруға ықпал етеді.