Менің болашақ мамандығым
Текст
«Ақмола облысы білім басқармасының Көкшетау қаласы бойынша білім бөлімінің жанындағы Көкшетау қаласының «Нұр бала" бөбекжайы»мемлекеттік коммуналдық қазыналық кәсіпорны
Государственное коммунальное казенное предприятие «Ясли-сад "Нұр бала» города Кокшетау при отделе образования по городу Кокшетау управления образования Акмолинской области»
Балабақшамыздың инновациялық қыззыметі
Тәрбие ошағымыздағы инновациялық қызмет
Бүгінгі әлем кешегіге ұқсамайды, ал ертеңгі күн бүгінгіден мүлдем өзгеше болады! Қарыштап дамып келе жатқан технологиялар адам өмірінің барлық салаларына енгізілуде.
«Нұр бала» бөбекжайында біз STEM-технологиясын білім беру процесінде де, ойын қызметінде де белсенді қолданамыз. Балабақшада барлық қажетті атрибуттармен жабдықталған арнайы кабинет жұмыс істейді.
Ойын үдерісінде STEM-технологиясын пайдалану балаларды айналада болып жатқан құбылыстарды талдауға, заттар мен жүйелерді тек құрылымында емес, уақытша динамикада да көруге үйретуге көмектеседі. STEM-технологиясын қолдану балалардың танымдық дамуы бойынша жұмыста ең жоғары нәтижелерге жетуге мүмкіндік береді, өйткені бұл технология мектепке дейінгі жастағы балалардың ойлауын, қиялын және интеллектуалдық қабілеттерін дамытуға бағытталған.
Тәжірибемізде біз келесі білім беру модульдерін қолданамыз:
- LEGO-конструкторлау: Бұл модуль ойын түрінде механиканың негізгі принциптерімен және қарапайым механизмдердің жұмыс ерекшеліктерімен таныстыруға мүмкіндік береді.
- Математикалық дамыту: Мұнда үстел үсті дамытушы ойындары, сенсорлық дамуға арналған құралдар, геометриялық денелер мен фигуралар жиынтығы, математикалық даму бағыттары бойынша демонстрациялық және таратпа материалдар, логикалық басқатырғыштар, сұрыптаушылар (сортировщиктер), жақтау-ендірмелер мен көлемді ендірмелер, абақтар, шоттар, математикалық конструкторлар, баулау құралдары және т.б. кіреді.
- Тірі және жансыз табиғатпен эксперимент жасау: Бұл модуль зерттеу қызметі барысында балаларды судың, ауаның, жанды және жансыз табиғат объектілерінің қасиеттерімен, оптикалық құбылыстармен таныстыруды ұйымдастыруға мүмкіндік береді.
- Ф. Фребельдің дидактикалық жүйесі: Модуль мектепке дейінгі және кіші жастағы балалардың жаратылыстану-ғылыми дүниетанымын қалыптастыруға және кеңістіктік ойлауын дамытуға бағытталған.
- Робототехника: «Робототехника» модулі бірнеше конструкторды қамтиды. Осы модульдегі конструкторлар жиынтығы құрастыру және жобалау дағдыларын меңгеруге ықпал етеді.
- Конструкторлау
- Мультстудия
- Sand Арт технологиясы (құммен сурет салу): Өзін-өзі көрсетудің, баланың шығармашылық қабілеттерін дамытудың тамаша мүмкіндігі, сондай-ақ өз сезімдерін, эмоциялары мен күйзелістерін білдіруді үйренудің қарапайым әрі тиімді жолы. Құм кез келген пішінді қабылдай алады. Құммен ойындар балалардың ашушаңдығын, агрессивтілігін, жылауықтығын басады, сонымен бірге қиялын қарқынды дамытады, балалар мен ересектердің эмоционалдық күйіне оң әсер етеді. Ертегі сарайларын немесе әдемі суреттерді салып, содан соң бұзып, қайта тұрғызу арқылы бала өзінің ішкі дүниесін үйлесімділікке келтіреді. (Е.В. Левшевичтің үздік авторлық бағдарламасы).
- АКТ технологиясы (Ақпараттық-коммуникациялық технологиялар): Заманауи әлемді АКТ-сыз елестету мүмкін емес. Желілік электрондық ресурстар ұсынатын мүмкіндіктер бөбекжай-бақшада жұмыс істейтін мамандар үшін өзекті бірқатар міндеттерді шешуге мүмкіндік береді. Өз қызметімізде мектепке дейінгі жастағы балалармен жұмыс істеуге қолайлы АКТ-ны пайдаланудың келесі бағыттарын бөлдік:
- Презентациялар жасау;
- Интернет ресурстарымен жұмыс;
- Дайын оқыту бағдарламаларын пайдалану;
- Меншікті авторлық бағдарламаларды әзірлеу және пайдалану.
Біздің бөбекжай-бақшамызда АКТ көбінесе ересек топтағы балалармен жұмыс істеуде кеңінен қолданылады. Бұл, әдетте, интерактивті оқыту бағдарламалары мен мультимедиялық презентациялар. Материалды мультимедиялық презентация түрінде ұсыну оқыту уақытын қысқартады, балалардың денсаулық ресурстарын үнемдейді.
Бөбекжай-бақшамызда педагогтер әртүрлі жабдықтарды қолданады: DVD приставкасы бар теледидарлар, интерактивті тақта, компьютерлер, мультимедиялық проектор, принтер, сканер, магнитофондар, фотоаппарат.
- Оқуды насихаттау технологиясы: Буккроссинг, «Сөйлейтін қабырға».
- Зерттеу-жобалау технологиясы:
- Математикалық планшеттер: Резеңкелердің көмегімен фигуралар жасау үшін геобордтарды (шегелері бар тақталарды) пайдаланамыз, бұл қолды жазуға дайындайды және кеңістіктік ойлауды дамытады.
- Жасанды интеллект
- Оқуды насихаттау
Нақты нәтиже: Балалар «гипотеза», «эксперимент», «беріктік» деген сөздерді белсенді қолдана бастады. Олар жасаған бұйымдары сынып қалса қорықпайды — керісінше, оны қалай нығайтудың жолын іздейді.
