Тәрбиеленушілердің білімін бағалау

2024–2025 оқу жылына арналған тәрбие-білім беру процесінің даму қорытынды мониторингі келесі динамиканы көрсетті.

Диагностика балабақшаның 13 тобында жүргізілді. Диагностикаға қатысқан балалардың жалпы саны – 298.

1. Физикалық даму

Нәтижелері:
Жыл соңында бағдарламалық материалды жоғары деңгейде меңгерген балалар саны – 188 (63%), төмен деңгей – 16 бала (5%).
Кіші және ортаңғы жастағы балаларда физикалық даму дағдылары белсенді қалыптасты.

Қорытынды: физикалық даму бойынша меңгеру деңгейі 85%.

Ұсыныстар:

• Балалардың денсаулығын нығайту және сақтау жұмысын жалғастыру;

• Балалармен жеке жұмысты күшейту;

• Ұлттық қимыл-қозғалыс ойындарын, таңертең, таңғы астан кейін, серуен мен ұйқыдан соң моторика дамыту жаттығуларын енгізу.

2. Танымдық және зияткерлік дағдылар

Нәтижелері:
Жоғары деңгей – 120 бала (40%), орта – 138 (46%), төмен – 40 (14%).
Білім сапасы – 86%.
Ескерту: төмен деңгейдегі балалардың ресми медициналық қорытындылары бар, олармен жеке жұмыс жүргізілуде.

Ұсыныстар:

• Дидактикалық ойындар арқылы топтық және жеке жұмыстарды жалғастыру;

• Танымдық және зерттеушілік іс-әрекеттерді күнделікті ұйымдастыру;

• Математика дағдыларын тек сабақта ғана емес, күн тәртібіндегі және еркін ойын кездерінде де дамыту.

3. Коммуникативтік дағдылар

Нәтижелері:
Жоғары деңгей – 114 бала (38%), орта – 140 (47%), төмен – 44 (15%).

Қорытынды:
Бағдарламалық материалды меңгеру сапасы 66%-дан 85%-ға дейін өсті. Бұл орыс тілінде оқытатын топтарда жүргізілген «Тілге ену» жобасының нәтижесі.

Ұсыныстар:

• Балалардың сөздік қорын тек сабақта ғана емес, күнделікті өмірде сұрақтар қою, әңгімеге тарту, кітап оқу және талқылау арқылы дамыту;

• Балалар бұрышы мен аудио кітаптармен жабдықталған кітап бұрышын ұйымдастыру;

• Балаларды оқыған шығармалардан рөлдерді өз бетінше ойнауға ынталандыру.

4. Шығармашылық дағдылар мен зерттеушілік әрекет

Нәтижелері:
Жоғары деңгей – 137 бала (46%), орта – 126 (42%), төмен – 35 (12%).

Қорытынды: меңгеру деңгейі – 88%.

Ұсыныстар:

• Балалардың қиялын, шығармашылығын дамыту;

• Өз бейнелерін, құрылыстарын, суреттерін жасауға ынталандыру;

• Сурет салудың дәстүрлі емес әдістерін кеңінен қолдану;

• Декоративті-қолданбалы өнермен таныстыруды жалғастыру және өнер туындыларына ұқыпты қарауға тәрбиелеу.

5. Әлеуметтік-эмоционалдық дағдылар

Нәтижелері:
Жоғары деңгей – 130 бала (44%), орта – 131 (44%), төмен – 37 (12%).

Қорытынды: меңгеру деңгейі – 88%.

Ұсыныстар:

• Бұл дағдыларды дидактикалық, рөлдік ойындар арқылы, күн тәртібіндегі сәттерде, қауіпсіздік ережелері мен ЖҚЕ шараларында дамыту;

• Балаларды өз әрекеттерін талдауға және қоршаған ортамен өзара әрекеттесуге үйрету.

Жалпы қорытынды:

Оқу жылы соңындағы тәрбие-білім беру процесі бойынша қорытынды мониторинг балалардың дағдылары мен қабілеттерінің дамуының оң динамикасын көрсетті.

Ұсыныстар:

1. Балаларды дамытуға бағытталған заманауи педагогикалық технологияларды меңгеруді және енгізуді жалғастыру.

2. Жыл бойы тәрбиеленушілердің даму деңгейіне сәйкес ата-аналармен жүйелі жұмыс жүргізу.