«Фребель сыйы»

"Балбөбек" тобының балалары  «Фребель сыйы» дамытушы ойын жиынтығымен ойнағанды өте ұнатады.  «Фребель сыйы" технологиясы ойын қызметі арқылы балалардың интеллектуалды,танымдық,ойын қабілеттерін дамытудың тиімді технологиясы болып табылады. Ойын балалардың шығармашылығына қажетті ой-қиялдың дамуына ықпал етеді,сонымен қатар балалардың танымдық белсенділіктерін, ұсақ қол моторикаларын, логикалық қабілеттерін дамытады . Қарапайым математикалық түсініктері, қоршаған ортаға деген эстетикалық қызығушылығы қалыптасады.  Жиынтық элементтерін ойын сюжетіне қарай түрлі қызметте икемді пайдалануға болады.  Бала құрастыруды үйренеді түс және пішіндер бойынша білімдерін бекітіп, қалыптастырады. Біздің балалар  ойын жиынтығының әр түрін пайдаланып, өздерінің ой-қиялдарынан туындаған тамаша өнерлерін жасап құрастырады. Ойын соңында жиынтық элементтерін қорапқа салудың өзі,  балалардан белгілі бір дағдылардың дамуын талап етеді.