«Джунгли шақырады»

2019 жылдың 27 қарашасында  №19 «Нұр бала» балабақшасында №8 «Арай» тобының балаларымен  «Джунгли шақырады» атты дене тәрбие нұсқаушысы Галимжанов Даулет Төлегенұлының ұйымдастыруымен спорттық ойын-сауық өтті. Ойын сауықтың мақсаты:  балаларды жер шарындағы әр-түрлі табиғат климаттарымен таныстыру, оларға деген қызығушылықтарын арттыру, сөздік қорларын  жаңа сөздермен толықтыру, тіл байлықтарын дамыту, (джунглиде, әр-түрлі жануарлар, құстар, жыртқыш аңдар және шөпқоректілер) туралы мағлұмат алу. Осы ойын барысында балалар  Бразилия елімен танысты, «джунгли» деген сөз қалың орман дегенді білдіретінін түсінді. Сабақ барысында балалар Джунглиге жету үшін қандай кедергі жолдардан өтті; судан, әр түрлі жыртқыш аңдардан, жыландардан  байқап өту жаттығулары жасалды. Ойын-сауық барысында Бразилия халқының биін біздің кішкентай бишілеріміз солардың киімін киіп, нақышына келтіріп орындап берді. Дәстүрден тыс осындай сабақтан балалар қаншама танымдық білім алды. Ойын сабақ бойы балаларда көтеріңкі көңіл, қызығушылық қасиеттері сақталды. Бүгінгі ойын-сауық сабағы барлығының есінде қалатын болды.