"Ұлы ұстаз - Ыбырай Алтынсарин" өлеңдерінен мәнерлеп оқу байқауы

2021 жылдың 19 қарашасында «Нұр бала» балабақшасында мектепалды топ тәрбиеленушілері арасында Ы.Алтынсариннің 180 жылдығына арналған мәнерлеп оқу байқауы өтті.  

Байқаудың  басты мақсаты: балалардың  өлеңді мәнерлеп оқу шеберлігін анықтау және ой - өрісін, дүниетанымын кеңейту, сөздік қорын молайту, жұрт алдында өзін еркін ұстауға , яғни сахна мәдениетіне баулу.

Байқауға әр топтан 11 бала қатысты.

Байқауға қатысушы балалар Ыбырай аталарының  өлеңдерін жатқа мәнерлеп  жеткізуге тырысты.

Байқаудың қорытындысы бойынша келесі жүлдегерлер анықталды:

I - ші орынды №4 «Балдырған» тобының тәрбиеленушісі Кажибаева Айзере иеленді;

II - ші орынды иеленгендер: Төлеген Мейірім, №4 «Балдырған»,                   Адилбек Алихан,  №12 «Күншуақ» топтарының тәрбиеленушілері;

III - ші орынды иеленгендер: Сүйін Айзере, №5 «Гүлдер», Садвакасова Айлина,  №1 «Балбөбек», Орынбай Алдияр, №4 «Балдырған» топтарының тәрбиеленушілері.

Қатысушы балалардың ішінен №6 «Көжектер»  тобының тәрбиеленушісі Гришина Дарьяны бөлек атап кетуге болады, қазылар алқасының шешімімен оған   «Тіл шебері» деген номинация берілді.  Өйткені,  Дарьяның қазақ тіліне деген қызығушылығы өлең оқығанынан - ақ білініп тұрды.

Байқауға қатысқаны үшін грамоталарымен: Кавказ Ербатыр, Султанова Карина  №11 «Жұлдыз», Умирбекова Ясмин,  №1 «Балбөбек», Каби Нұрай, №12 «Күншуақ» топтарының балалары марапатталды.

Байқауға қатысқан балалар үшін бұл байқаудың тәрбиелік мәні зор болды.

Ыбырай Алтынсарин өлеңдерінен мәнерлеп оқу байқауының жүлдегерлерін, номинация иесін және жалпы қатысушыларды ҚҰТТЫҚТАЙМЫЗ!