2021 оқу жылының 11 қаңтарынан 15 қаңтарына дейін Топтарда өтілген "Қыс қызығы мен қысқы ойындар"атты тақырыптық апталығының есебі

" Қыс қызығы мен қысқы ойындар " тақырыптық аптасын жүзеге асыру аясында біздің балабақшада іс-шаралар өткізілді, оның барысында балаларда жыл мезгілі ретінде қыс туралы жалпылама түсініктер қалыптасты. Балалар қыста өсімдіктер, жануарлар мен адамдар өміріндегі өзгерістермен танысты.

Қыс-бұл жылдың ерекше мезгілі, таза ауада қызықты ойындар үшін тамаша маусым. "Қыс қызығы мен қысқы ойындар" тақырыптық жоспар бойынша өтті. Аптаның әр күні жылдың қыс мезгіліне байланысты кез-келген тақырыпқа арналды.

Бір апта бойы балалар серуенде қозғалмалы ойындар ойнады, спорттық эстафеталар мен конкурстарға қатысты, шана, мұз, шаңғымен сырғанап, қар лақтырысып ойнады. Жемшашарлар  конкурсы, қысқы қолөнер конкурсы, ата-аналармен өткізілген спорттық ойындар сияқты іс-шараларға ата-аналар қашықтықта белсенді түрде  тартылды. Қармен ойнаған ойындар баланың өмір бойы есте қалады.Сонымен қатар балалар кішкентай күректерімен ауланың қарын күреп,еңбекке баулыды.

Олар қысқы пейзаждар бейнеленген иллюстрациялық суреттерді қуана қарады, серуенде қар жамылған  ағаштарды бақылап,  сұлулығына таң қалды.

Балалар қағаздан қарды қиып үйреніп,  шығармашылық қабілеттерін көрсетті. Сондай-ақ, балалар "мұз болып қатқан су", "еріген мұз", "түрлі-түсті мұз" атты мұз және суға  эксперимент жасау барысында,мұздың қасиетін түсінді.

Балалар қысқы табиғат құбылыстары туралы жұмбақтар шешті, "Қысқы аңдардың тіршілігі", "Қолғап", "Ақшақар" және т.б. көркем әдебиеттерді оқыды. Орта  жастағы балалар саусағымен қарға «қар жауады,жолды жабады» деп суреттер салды.

Балалармен дидактикалық ойындар өткізілді, олар қыстың белгілері туралы идеяларды шоғырландыруға бағытталған: «Қарлар ұшады», «Қуыршақты серуенге киіндірейік» және т.б.ойындар. Бұл қысқы ойындар  апталығы балаларға өте ұнады,олар барлық іс-шараларға белсенді түрде қатысып,көңілдері көтерілді. Апталықтың соңында барлық топ педагогтары фотоесептерін, презентацияларын жасады.