Балабақшадағы қысқы серуен

Біздің балабақшада жылдың қай мезгілі болмасын даладағы серуен керемет!

Көктемде балалармен бірге қысқы ұйқыдан енді оянып, ақ тонын жасыл түске ауыстырып жатқан табиғатты  тамашаласақ, жаздың күні сан түрлі түске боялған табиғаттың сиқырлы сәтін, күздің күні сары алтынға малынған керемет кезін, мол егіннің жинау барысын, үлкендер еңбегімен танысамыз. Ал қыстың күні, әрине бәрі де ертегідей сиқырға толы болуы керек.

Бүгін, біздің балақайлар көптен күткен сол сәт туған секілді. Балаларымыз мәз-мейрам! Біреуі  үлкен үлкен қамалдар тұрғызып жатса, енді бірі қардан аққала жасап әлек.

Балабақшадағы серуен- тек қана ойынға сүйенбейді,  балалардың денсаулығына да үлкен әсерін тигізеді. Серуен кезінде балалар өздеріне еркіндік бере алады. Сонымен қатар еңбек дағдыларын меңгереді.

Балалар- қыс мезгілін қатты ұнатады, себебі қыс -ол таза ауа, түрлі қызықты ойындар, таңғажайып сиқырлы сәт. Сонымен қатар қысқы серуен балалардың шынығуына үлкен көмек.