Қош келдің, Әз Наурыз!

Қош келдің, Әз Наурыз!

«Нұр бала» балабақшасына

Наурыз айы жүректерге нұр сепкен,
Мандайымнан сүйіп жатыр нұр көктем
Жарығымен, шуағымен Күн — Ана
Алып келдің жер бетіне нұр көктем!
Осыншама жақсылық,
Алып келдің Наурызым!
Төрлет бізге нұр болып,
Шуақ шашып нұр жүзің!
Ұлыстың ұлы күні құтты болсын! 

Міне, біздің «Нұр бала» балабақшасына  да, Наурыз мерекесі келді, бұл көктемнің келуі, табиғаттың оянуы.      Өткізілетін іс – шаралардың басты мақсаты- балалардың қазақ халқының мәдениетіне, салт-дәстүрлеріне  деген қызығушылықтарын  дағдыландыру, дамыту.

           Балабақшаның мерекелік безендірілген  музыкалық залында, ұмытылмас қызықты ертеңгіліктер өтті.

           Мереке кезінде біздің балабақшада  мейірімділік, көңілді және қуаныш атмосферасы орнады. Балалар Наурыз мерекесіне қызығушылықпен , қазақ салт-дәстүрлерімен, ойындарымен танысып, белсене қатысты. .

Ертеңгілікте  қазақ және орыс тілдерінде әндер шырқалды; өлеңдер оқылды, "Қара жорға", "Қамажай", "Жігіттер", "Шай ішу" билерін биледі; "Тақия кигізу", "Қыз қуу", "Орамал тастамақ", "Теңге алу", "Кигіз үй құру" , «Арқан тарту» және т.б.  халық ойындары  ойналды.

           Ертеңгілік сценариі бойынша  қонаққа  Көктем ханшайымы, Әже, Қыдыр-ата, Алдар-көсе келді.  Әр ертеңгілікте қазақтың  «Бесікке салу», «Тұсау кесер», «Ат қою», «Баланы қырқынан шығару» сияқты  салт-дәстүрлері көрсетілді. Әр топтың балаларының әжелері мерекеге арнап, шашуларын шашты. Наурыз мерекесі өте қызықты өтті.   Мереке соңында балалар өздерінің әжелерімен суретке түсті, бәрі жиналып Наурыз мерекесіне арнап дайындаған наурыз көжеден және басқа да, ұлттық дәмдерден ауыз тиіп, мәре-сәре болды. Жалпы Наурыз мерекесі балалар үшін тәрбиелі де, маңызды болды.